Mi ha svegliato la primavera

M'ha d'zvià la primavèira

S'ntivu un gran vuzà
ma mi durmivu ancura.
"Chi gh'era in t'la cuntrà
chi zbraja s'l'è bunura                                                            

Scumèinsu a rigiram'
pr'al letu d' chi e d'là
m' tuca pô d'zviam'
p'r culpa dal vuzà

"Ma sèinta ch' burdelu
gh' para pièin d' fiul'tti"
p'nsavu d' pià un randelu
e daglu int'i zgh'rl'tti.

Ma vèru al f'n'strö
e restu cum'un strasu
al postu d' cui fjö
s' sèinta un gran svulasu.

Gh'era tant' rundanèin'
chi quatavi quasi al celu
bianch', nèir' un pô picèin'
tüt' quant' a fa burdelu                                               

Sèru e m' guardo dèintr'al speciu
m' parèiva miga vèira
ho p'nsà: sibèin ch' sia veciu
m'ha d'zvià la primavèira.
(Dal Lünariu burg'zan 1980 - Disegno di Mario Previ))